NABABAHALA umano ang Malacanang sa viral video ng bullying incident na kinasasangkutan ng mga estudyante sa Ateneo Junior High School (AJHS) at pinagsabihan ng mga namumuno rito na gawin ang nararapat.

Sinabi ni presidential spokesperson Salvador Panelo na pinanood niya mismo ang video at sinabing ang pambu-bully sa loob ng classroom maging sa lahat ng paaralan ay hindi dapat ipinagpapawalang-bahala. Kumalat ang video sa social media kung saan isang batang Taekwondo member ang nananakot at nananakit ng kapwa estudyante habang nasa loob ng eskuwelahan.